陳庭欣踩足半日 着婚紗冇衝動

於新一年密密四出工作吸金的陳庭欣近日接馬賽棒，以近6位數字酬勞，與男星姚浩政為煌府婚宴拍攝新一輯廣告，當日Toby換上四套婚紗，直踩近12小時拍攝，她直言穿上婚紗後感到非常「論盡」，笑指擔心被絆倒，她笑說︰「其實有少少唔慣，平時都係着晚裝多，而且今次嘅婚紗都幾重，成日驚會唔小心跣低。」

擔心弄污婚紗

由於早上七時便開始拍攝，Toby笑言似是真的結婚一樣︰「要好早起身梳頭化妝，然後着住婚紗周圍走，感覺好似真係自己結婚咁。不過啲婚紗真係好靚，唔敢整污糟，所以成日都唔敢食嘢。」不過她直言未有結婚衝動，雖然身邊朋友今年陸續結婚，但單身的她對人生大事不太急，她說︰「自己冇乜諗過，而且屋企人又冇催，因為我成日幻想結婚一定好攰，所以如果我結婚，一定做到好簡單。」

此外，Toby透露單是一月已飲了幾餐朋友的喜酒，她笑說︰「差唔多一個星期飲一餐，畀人情真係畀到嘔，不過見到朋友結婚咁開心都好高興。」

文︰專案組