徐子淇捐囡囡利是 撒嬌攞番啲

昨晚美國配飾品牌Nancy Gonzalez專門店開幕，出席嘉賓有名模琦琦與馬詩慧、藝人謝婷婷及童愛玲等。其中品牌特別捐出50萬元予徐子淇與老公李家誠一同成立的慈善基金Glamour to Give Charity，以幫助有需要的人。

畀200蚊做零用

子淇透露基金成立了兩年多，主要幫助香港的小朋友，她說：「有時有啲小朋友有急病要醫藥費，或者父母過身成為孤兒，我哋就會幫佢哋！（有冇將小朋友利是錢都捐出去？）我會將佢哋嘅利是錢攞去助養小朋友，因為被助養嘅小朋友會寫信畀你，係有回報，每年都會助養幾個，依家都有十個以上！我會教佢哋有好多小朋友好不幸，需要我哋幫忙，佢都好願意，不過最近要求要番少少，因為佢話想儲錢買iPad！」子淇謂不希望兒女沉迷電腦，因為怕她網上結識到壞人，她說：「我畀200蚊佢做零用錢，我出街又唔帶錢，因為我會唔見銀包，所以喺佢心目中我係冇錢嘅！」

關心妍直言對音樂頒獎機制失望，否認輸打贏要。

婷婷罕有露出事業線。

11年只得10個獎

而同場剛宣布不再拿音樂獎項的關心妍就透露現時心情輕鬆，落得清靜，全力造人，難怪老公舉腳贊成，她說：「老公都陪我努力咗三年，但最後發覺唔係自己付出唔夠，而係個機制問題，咁仲好啦，依家可以玩音樂，唔使做音樂，又唔使keep fit，可以增肥十幾磅！」她指自己加入樂壇11年，拿到的獎項不夠10個，感到十分氣餒：「獎項係一種肯定、一種鼓勵，畢竟我係做主流音樂！我唔係輸打贏要，我根本冇贏過，（同G.E.M.有共鳴？）我比佢更不幸，我好難先有少少機會，總之依家唔做音樂住，造BB先！」

童愛玲一身富泰出席活動。

琦琦（右）與馬詩慧老友碰頭好啱傾。