梁烈唯激凸露底 苟姑娘恨睇
美亞電影繼《喜愛夜蒲》後再撐港產片，推出拼盤式小品電影《重口味》，電影由三個故事組成，苟芸慧正式首次踩入大銀幕，夥拍梁烈唯（唯唯）合演其中一部《有殺有賠》，唯唯在新片中要露兩點，又要激凸露底，他說︰「試戲服時，服裝畀好多底褲我揀，有得揀我梗係揀着拳師褲啦。不過呢部戲係喜劇，露少少股罅我都可以接受。」
苟姑娘則笑言：「我都想欣賞佢露，露乜都好，不過嗰場戲唔係對住我露，但我會去探班。」
戲服着唔入
而陳偉霆與陳靜演另一故事《毒菇求愛》，他在片中扮吸毒者，要減20磅，但現時他正拍《特種救援英雄》，他在該片做健碩消防員，兩部戲可能疊期，他連減磅時間都冇，問題仍待解決，他說︰「佢哋預我演個角色好瘦，所以我之前試過嘅服裝，冇一件着得入。」另陳偉霆在片中有另一新嘗試，就是跳脫衣舞，他說︰「我雖然係學跳舞，但跳脫衣舞就未試過，真係考起。」對陳偉霆來說這亦是新考驗。此外陳靜最近展開新戀情，她希望感情方面今年會有結果。
至於孫佳君在另一個故事《瘋花雪月》中做揼骨妹，戲服全是性感睡衣。
文：影視組