欣宜不飲許廷鏗杯茶
藝人鄭欣宜被指跟許廷鏗同遊台灣兼「拗直」傳有攣攣心的他，昨現身電視城錄影節目的欣宜強調二人是姐弟，但口快快講錯：「好好笑，相信識我哋嘅人都知唔係，不嬲都係姐弟戀。（係姐弟戀？）真係唔係，係都唔會太揚，佢唔係我杯茶。（佢追你？）姐弟拍拖係犯法、亂，唔可能。」
許廷鏗則透過電話回應：「梗係唔係，笑話一則，上機時本來戴口罩，唔想影響其他人，我哋見身邊人都瞓晒咪除口罩囉。（兩個依偎？）你坐巴士同隔籬唔識嘅都唔會啦！」追問他是否已被拗直？許廷鏗笑道：「我哋係姐弟一齊旅行啫。（追佢？）唉，太熟啦，我哋點tune都tune唔到有路。」