白健恩搵對手瞄準楊怡

前港男白健恩在無綫劇與高海寧拍完對手戲後，可謂因奸成名，人氣爆燈，他直言多了工作機會：「的確係多咗人搵我做嘢，都多咗job要做，收入穩定咗，我諗嚟緊會忙啲。」白健恩與高海寧做過對手戲，他的下一個「目標」就瞄準視后楊怡，他大讚楊怡夠「奸」，希望與對方可以奸鬥奸：「對佢最深印象係古裝劇《宮心計》，平時睇開佢喺戲入面嘅形象好正面，點知嗰次佢扮奸角，個腦就即時『叮』一聲，真係估唔到佢可以做到咁奸！而我最近都因為演奸角畀人讚，所以好想同楊怡對戲學嘢！」想與楊怡奸鬥奸，果然夠膽識！

強項跳唱歌舞劇

反而白健恩對再拍強暴戲就耍手擰頭，怕觀眾可能會睇到悶，他希望能在電視劇上可以多作新嘗試：「我唔介意再扮奸角，不過我怕觀眾睇到悶，想扮多啲角色，等觀眾知道我演技多變化。」不過白健恩恨演的角色非常創新，坦言最嚮往的角色，是又唱又跳的電視歌舞劇，他說：「其實一直以嚟，最想做嘅係音樂劇，我哋成日喺歐美電影、電視睇到呢一類型嘅製作，不過香港就好少，我覺得絕對係一個嶄新嘗試，完全有得搞！」若楊怡在電視前又唱又跳，未知是否有另一番境象？

楊怡在《宮心計》飾演奸妃一角，深入民心。

白健恩在劇中強暴高海寧，成功掀起熱話。

場地：Hair Corner

飾物：THOMAS SABO

服裝：Chevignon

髮型：Jacky Au＠Hair Corner

文：專案組