陳日豐願繼續似周杰倫
貌似周杰倫的創作歌手陳日豐早前遠赴美國羅省，為前輩歌手呂珊擔任演唱會嘉賓，日豐直言此行獲益良多：「估唔到觀眾咁nice，就算我唱自己嘅廣東話新歌，現場都好好反應。好多謝呂珊姐畀機會我，可惜今次未有機會合唱，希望下次可以同佢jam歌jam舞。」
日豐表示頗滿意去年的成績，他推出的歌曲《為何》反應不俗，亦有幸在亞太電影節一個活動中獻唱，問到新一年願望，日豐希望可擴闊歌路：「之前嘗試咗玩Band Sound，嚟緊想試吓跳舞歌，都想拍吓戲，最想搞笑。（擺脫周杰倫影子？）冇刻意諗，我覺得已經愈來愈唔似，但有時都幫到我，令人更加認得。」