萬綺雯被綁變景點 焗咀安仔
前「亞視一姐」萬綺雯（蚊蚊）過檔無綫後，首部劇集便是近來話題之作《老表，你好嘢！》，不過蚊蚊的風頭似乎被劇中的二、三線演員如「細細粒」陳嘉佳（小寶）、鬼妹仔陳明恩、朱咪咪等搶盡，下星期蚊蚊將以咀戲作「反擊」。
劇情講述她與安仔於山頂被賊仔以刀指嚇打劫，更被面對面綁在一起，之後於錯摸下嘴對嘴。蚊蚊謂：「我哋被綁喺涼亭條柱度，點知拍拍吓畀蚊咬，痕到周身郁，跟住突然間有好多遊客坐遊巴上嚟睇夜景，佢哋個個喺咁影相，嚟完一架車又一架車，啲人係咁影，真係好尷尬囉！」對於有指與曾於亞視共事的田蕊妮無傾偈，萬綺雯昨日回應謂：「我同佢點會無偈傾呀！之前開工遇得最多嗰個都係佢，佢仲問我點解成日包廠尾，叫我努力、加油。」
黃光亮神奇發育
而王祖藍於劇中飾演黃光亮的年輕版，原本飾演「少女朱咪咪」的岑麗香比他高一截，但二十年後，黃光亮比朱咪咪還要高，這個搞笑位令觀眾嘖嘖稱奇。而劇中飾演細細粒上位的小寶和鬼妹仔陳明恩昨日到電台接受訪問，提到小寶被網民封為女神？她耍手擰頭說：「女神要有樣有身材，我冇樣、冇身材。（做肥姐接班人？）冇咁大想頭。」