飛撲出車 差之毫釐 徐子珊玉腿險被輾

已第７次演警察的徐子珊，昨日為新劇《神槍狙擊2013》拍攝一場撞車戲，期間還要從司機位上飛撲出車外，雖然事前有武師在場試位，但到正式拍攝時，子珊一度就距離問題，差點被車輾到雙腿，場面險象環生，幸而NG幾次過後，終順行完成動作。
徐子珊懶理露出事業線，從司機位上飛撲出車外。
徐子珊懶理露出事業線，從司機位上飛撲出車外。

拍劇失百萬

談到鏡頭前充滿英姿颯颯，鏡頭後卻不慎擦傷玉手，子珊坦言該劇不乏動作場面，但往往卻是臨場才獲悉，更謂︰「係冇心理準備會點，不過都會自己上陣。（轉做打女？）冇計啦！有機會都會繼續拍，皮肉損傷呢啲好平常，最緊要唔好大傷，影響拍攝進度就唔好啦！」該劇將拍攝至３月，故子珊預計農曆新年也未能出外搵真銀，她無奈謂︰「唔好提起啲傷心事，都冇咗７位數字，就算有期都要宣傳賀歲片同新劇，不過宣傳都好緊要嘅。」

文：影視組

徐子珊瞓身拍攝新劇，相當賣力。
  • 徐子珊瞓身拍攝新劇，相當賣力。
陳煒在新劇中再演奸角，但就不擔心被定型。
  • 陳煒在新劇中再演奸角，但就不擔心被定型。
徐子珊甚受在場小朋友歡迎。
  • 徐子珊甚受在場小朋友歡迎。