(11)齊真晨辣招對付(12)許麗莉

《ATV 2012亞洲小姐競選總決賽》今晚舉行，亞視昨日特別安排18位佳麗穿上泳裝，於亞視大埔總台進行拜神儀式。眾佳麗雖穿上外套拜神，其中「爛背佳麗」(12)許麗莉因信仰問題，正陶醉於擺甫士供傳媒影相，站在她身旁的(11)齊真晨，則虔誠閉目鞠躬拜四面，其手上的香枝，突然在許麗莉身前掃來掃去，嚇得許麗莉花容失色，慌忙閃避，才避過遭香枝辣傷，驚險萬分！事後，齊真晨即時向許麗莉耍冧，二人笑笑口friend番。

葉詩琪想返屋企

其後佳麗除下外套，以泳裝會示人，上圍豐滿的馬來西亞代表(2)葉詩琪依然搶鏡，她說：「臨近決賽，心情有少少緊張，又有少少開心，因為我兩個月冇返馬來西亞，好掛住屋企，選完就可以返屋企啦！（擔心評判唔鍾意你頸背紋身？）都冇辦法，就算我選完大中華賽區，要去洗紋身都趕唔切聽晚（即今晚）決賽，若果我當選，又同亞視有合作嘅話，我會去洗走紋身。」此外，(8)倪淑君、(10)黃璧安及狠狠地將事業線擠得幾乎夾死烏蠅的(17)陳唯婧，身材亦頗有睇頭。

許麗莉（右）眼裏只有記者，不察覺齊真晨已「燒」到埋身。

身形屬於纖瘦的付蓉，再減７磅迎戰。

付蓉減7磅迎戰

減肥成功的(13)付蓉準備迎接總決賽，她說：「為變得更漂亮，我減了6、7磅，希望決賽當晚有好發揮。（減肥減到有氣冇力？）還好！現在靠心情支撐住。（上圍縮水？）一定有，但女性美不是講究胸大胸小，還要看氣質和內涵。」她與(3)絲域蘭娜‧古拉高華及齊真晨均狀態不俗，有望殺入三甲。

葉詩琪上圍Big爆，信心十足。	陳唯婧大騷「深溝」。	泰國佳麗倪淑君合十打招呼。

亞視高層葉家寶則表示，今晚佳麗們絕對不會走光，他說：「總決賽頒發9個獎項，評判來自世界各地，揀星期一決賽係策略，友台要調節目都難！（擔心佳麗透視高衩真空旗袍會走光直播出街？）會有四重安檢做足準備，保證唔會走光。」

(11)齊真晨

三圍：33 / 24 / 34

(17)陳唯婧

三圍：32.5 / 24 / 34.5

(8)倪淑君

三圍：32 / 22.5 / 36

(13)付蓉

三圍：32 / 24 / 36

(2)葉詩琪

三圍：33.5 / 25 / 35

(5)陳瑪莉

三圍：32 / 25 / 35

文：影視組