周秀娜：大家可以追我
近日有傳性感女神周秀娜與男友陳偉成（Avis）感情亮紅燈，娜姐昨晚於「第35屆十大中文金曲頒獎禮」擔任頒獎嘉賓，正式宣布與Avis分手，當司儀問到她的感情狀況，她聲沙沙承認回復單身︰「係，我依家係單身，我藉住呢個台講自己單身。」其後她強顏歡笑說︰「大家可以熱烈追求我。」不過娜姐前晚谷行三吋事業線出席活動時，卻指與Avis仍是男女朋友關係︰「我哋個幾月冇見，近排好少溝通，但現階段仲係男女朋友關係。」
據知娜姐前晚出席活動後，便與Avis攤牌，正式結束六年情。昨晚致電Avis，他起初懵然不知，其後口窒窒說︰「吓？係咩，依家做緊嘢，晏啲打畀你。」接着便匆匆收線。未幾他在微博上載相片，但以「……」無語留言。而曾跟Avis傳緋聞兼娜姐師妹的何佩瑜於電話中坦言事前不知二人分手一事，她說︰「好surprise，上年聖誕見佢哋排舞台劇時好正常，知佢哋拍咗好多年，既然喺呢度講，分手已成定局。」另一緋聞女友Mia則未有回覆。
