趙式芝等母親接受Sean
富商趙世曾女兒趙式芝（Gigi），曾因自己的同性戀者身份而令母親姚煒一度情緒失控，甚至有自殺念頭，之後Gigi還公開與楊如芯（Sean）結婚，姚煒更無法接受這事實，收埋自己不見天日。日前姚煒終於站出來，表示反對同性戀，雖然母女在這事件上有分歧，但感情已修好。
Gigi在電話中表示媽咪願意站出來她已安心，對於還未能接受Sean，她說：「佢哋有見過面，呢啲慢慢嚟，我會再努力啲，老人家口硬心軟。（媽咪曾多次情緒失控，驚唔驚？）我可能已見慣不怪，佢比較戲劇化啲。（有冇擔心過佢真係會自殺？）有擔心過，我哋有宗教信仰惟有將信心交畀神，凡事發展都有神指導。」對近期同性戀立法問題鬧得熱烘烘，網友還有所誤解，怕立法會影響宗教言論自由，Gigi不滿地說：「喺反歧視法入面，宗教團體所做嘅事係獲得豁免，宗教嘅言論係不會造成歧視被人告，以呢個藉口去反對，真係好莫名其妙。」
