江若琳換季 送走兩篋衫

歌手江若琳直言每季都執兩篋衫出嚟送給親朋戚友；而苟芸慧則謂想搞慈善二手衫拍賣，既不用浪費，更可幫助有需要的人，可謂一舉兩得！

Jessica C.：「我會將啲衫畀妹妹或菲律賓嘅親戚。本來我同妹妹嘅身形好似，不過佢有咗兩個月身孕，未必啱着。」	《時裝活動》 Ana R.：「我張床下面可以放衫，每逢轉季，我都會將啲衫轉位。用壓縮袋抽走裏面啲空氣，可以慳好多位！」	伍靜麗：「我會將唔要嘅衫畀人，雖然我好高，不過大多係短身衫為主，所以送畀人都OK。」
《設計比賽頒獎禮》 徐子淇：「我會留番上季嘅衫，香港係冬天，去澳洲係夏天，啲衫都會着到，而且我鍾意mix and match配搭唔同layer嘅造型。」	《嘉年華啟動禮》 苟芸慧：「我舊年將啲衫捐咗，今年想做慈善活動，收集埋同事嗰啲搞二手拍賣，大家一齊做善事，幫助小朋友同動物。」	《大埔超級城活動》 陳逸璇：「我要視乎咩衫，晚裝或者Tube Dress就送畀朋友，家居服或者便服，我會捐去內地。」
貝安琪：「如果啲衫仲着就放喺抽真空嘅衣物袋入面。如果唔要嘅衫，就送畀朋友或者表姐妹，佢哋成日都話我啲衫好靚，其餘嘅話捐畀慈善機構。」