阿嬌生日開P「舊愛」到賀
後日生日的鍾欣桐（阿嬌）日前獲300名Fans提早與她賀「牛一」，在尖沙咀一酒店舉行生日派對，雖然未見泡菜男友Ｋ先生的蹤影，但前緋聞男友阿感（黎國輝）就有份到場，更上演一幕「英雄救美」！事緣Fans們爭住玩遊戲，導致場面混亂，本來是座上客的阿感就發揮司儀本色，上台指揮大局，令環節得以順利進行。不過就令阿嬌十分不好意思，笑言要封利是給他，阿感即刻man爆地說：「雖然平時做ＭＣ要收錢，但今次阿嬌請我嚟玩咁重情重義，唔會同佢計！」
絲襪笠頭爆笑
至於粉絲亦出盡冧招氹偶像開心，不單自製雙層生日蛋糕，更送上過百份禮物給壽星女，最令阿嬌感動的是粉絲以歌迷會「雙生兒同盟」的名義，當義工為香港盲人輔導會籌款，阿嬌即大讚Fans抵錫！
多名表演欲極強的粉絲又上台扮演阿嬌飾演過的角色，如《精武家庭》的芳芳、《見習黑玫瑰》的老嬌、《愛情不ＮＧ》的蘇妮娜等等，而在遊戲中輸了的Fans更不惜「醜化」自己，被罰用絲襪笠頭，見到Fans被拉到面容扭曲，阿嬌笑到合唔埋口！
文：音樂組