糖兄韓國影婚照老婆凍僵

組合糖兄妹的糖兄（潘雲峰）獲韓模兼婚紗攝影公司老闆娘蔡恩真（EJ）5位數港幣贊助，去年十二月孖圈外未婚妻Jessie飛到韓國江南影結婚相，豈料中途遇上暴風雪，但糖兄卻感恩非常：「嗰陣我哋搭緊車去影婚紗相，成條馬路喺十分鐘內由灰變白，我哋惟有落車推車，不過就係因為呢場雪，我哋先可以喺茫茫白雪下一齊行，欣賞雪景，嘩！真係好浪漫！」
糖兄與未婚妻影婚紗相，大讚韓式婚照又靚又正。
糖兄與未婚妻影婚紗相，大讚韓式婚照又靚又正。

不過，EJ當日卻嚇餐飽：「我嗰日特登飛到韓國睇吓糖兄影相影成點，點知一返到公司，就見到佢未婚妻成個頭濕晒，仲要手手腳腳都係咁震，真係嚇死我！」見到EJ被嚇親，糖兄再一次多謝她以作鎮驚，並感謝住在酒店的EJ婆婆教路如何使用酒店的設施。

EJ見到糖兄未婚妻成個身震晒，嚇到O嘴。
  • EJ見到糖兄未婚妻成個身震晒，嚇到O嘴。