林峯隔空呵番吳千語
林峯昨日斬釘截鐵否認租屋予緋聞女友吳千語的報道，又寄語傳媒別扭曲事件，維護千語之心，昭然若揭。雖然他表明不會打電話慰問對方，卻大方承認二人關係友好，若見面時會向她說：「唔好意思。」
林峯及徐子珊昨日出席瑞士依波路錶旺角旗艦店開幕活動，現場有數十名粉絲高舉名牌，為偶像打氣。林峯透露演唱會將至，現正全心全力操弗自己，力求以最佳狀態示人。他表示：「我服裝師同排舞師都堅持要我除衫。（有六舊腹肌？）實有，睇吓見到幾多。」
及後，他主動問記者是否要問有指他租屋予吳千語並半同居的報道，續說：「我都畀個標題嚇親，相裏面我都唔知喺邊，去都未去過。（淨係租畀人住？）冇啦，我唔知咩嚟。」他表示自己亦做過新人，不希望傳媒扭曲事件。問到是否維護吳千語？他即起弶說：「新人出道實會有唔同新聞。（有冇打畀佢？）我諗佢應該明，如果撞到會同佢講唔好意思。（同佢咩關係？）好朋友。」問到他於《十大勁歌金曲頒獎禮》中，公開多謝的BB是誰？他回應：「我講嘅係家中每個成員。」而對於吳千語指他睡覺時很chok一事，他亦大方承認：「之前拍劇得一個鐘時間休息，所以喺瞓之前會再噴hair spray，同自己講唔好郁，練成咗四平八穩咁瞓。」
徐子珊睇重內地市場
同場露出事業線的徐子珊，則表示自己由十二月開始一直忙於拍劇，忙得連廣告宣傳照也沒法抽出時間拍攝，結果被廣告商詐型。問到有傳她有份參與的賀歲片因批文問題而延遲在內地上映，她即表示：「唔好嚇我！我希望唔好啦，內地市場都好重要。」
文：名人組