陳嘉桓風頭火勢唔敢向師兄索料
陳嘉桓昨於大埔林村為有線錄節目，對於《好報》踢爆師兄杜宇航與胡敏珊相戀，她大表驚訝：「嘩，發生咩事？我都唔知，我同佢（杜宇航）有段時間冇見，都想睇吓個報道！（平時會唔會八卦師兄嘅感情事？）師兄好少講呢啲嘢，我都係睇呢個報道先知。（會唔會打畀師兄八吓？）唔會，風頭火勢。」
另外，杜宇航師傅兼經理人冼國林，亦不知道徒弟戀情，覺得二人若是真心相戀的話，就算女方年紀比男方大也不是問題。至於杜宇航曾結婚一事，冼國林則揚言四年前已知道，並謂：「當時我仲幫佢搵律師搞離婚。（覺唔覺得杜宇航隱瞞自己曾結婚？）唔係，係我叫佢私人事唔需要周圍同人講。」
