關心妍開告別騷等做賢母
關心妍（Jade）2009年下嫁金融才俊楊長智，婚後口口聲恨生BB的她，過去三年肚皮未有動靜，當年闖樂壇一炮而紅的Jade，經歷過多年高高低低，身心都有倦意，加上今年就跟Neway唱片公司約滿，Jade覺得是時候急流勇退，全職做少奶奶，專心相夫教子前，她希望舉行告別樂壇演唱會，為自己的音樂夢想留下一個美好回憶。
就計劃搞告別演唱會一事，關心妍在截稿前未有回覆，其所屬的唱片公司總經理朱先生承認關心妍約滿在即，亦未有否認搞告別騷，朱生說：「Jade舊年年初演唱會反應好好，所以公司想再幫佢搞，年初同佢提出搞演唱會要求，但紅館度期好大問題，因為所有檔期都要一年前開始入紙申請。（佢係咪搞告別演唱會？）未落實，因為都未申請到檔期。」由於朱先生剛剛上任，下星期他會逐一接見歌手，跟他們詳談未來工作大計及唱片計劃。
孖老公勁擦兩粒鐘
早前減肥過度的Jade為養好身子準備生BB，嚷着要努力增肥，前晚記者就在銅鑼灣見到Jade跟老公吃意大利菜撐枱腳，席間見Jade不停吃，兩公婆邊吃邊喁喁細語，浪漫得很，一餐飯吃足兩個小時，才由老公埋單兩人十指緊扣拖着離開。
文：音樂組