黃宗澤擲800萬 馬國開餐廳

黃宗澤（Bosco）去年在馬來西亞投資一間名為「OverTime」的酒吧餐廳，改名「House Music Club」。他指該店專供客人開派對的娛樂場所，規模比以前更大，現場有LiveBand、天橋型舞池，投資額達300萬馬幣（約780萬港元）。雖然Bosco最近忙在橫店拍內地劇《少年狄仁傑》，但他不擔心力不到不為財：「出外靠朋友，我哋一班投資者都識咗好多年，對佢哋好信任。我大陸開工忙，拍完劇可能會過去睇睇，之後又要返無綫開工。」

三層樓揸手

在東南亞投資娛樂場所的Bosco笑言為儲錢，其實他在香港「本錢」亦相當雄厚。已有三層樓揸手的他，堪稱電視圈「富豪小生」。Bosco說：「都係當儲錢啫！三層樓都有我阿媽名嘅！（好孝順喎！）應該嘅。（幾時再買物業？）依家儲緊錢買自住嗰層。（結婚後同阿媽一齊住？）就算唔一齊住，都會揀附近地區。（未來老婆要過到奶奶一關？）都要過到o架！」

黃宗澤（左三）與合作夥伴舉杯暢飲。	黃宗澤拜神切燒豬，祈求生意蒸蒸日上。	雖然黃宗澤與杏兒分手，但忙於工作的他不愁寂寞。（資料圖片）

Bosco下月將返港宣傳賀歲電影，之後要再返橫店拍《少》劇，農曆新年未必可回港陪母親過年，但孝順的他已計劃三、四月陪阿媽去旅行補數。

文：影視組