林熹瞳親睹整容未驚過
藝人林熹瞳（Rachel）近日忙拍香港電視劇集《三面形醫》，於劇中飾演整容醫生林文龍的御用護士，她透露為求演繹更逼真，二人於拍攝前親睹割雙眼皮手術的「血腥」過程，不過做慣《怪談》的Rachel卻冇有怕：「我同林文龍睇人做手術，睇完割第一隻眼已經識晒，到第二隻眼我已經瞓咗！相信喺手術室瞓着我都係第一人！（唔驚咩？）之前有上網睇過啲片，有晒心理準備。」問到大膽的她會否想隆胸？她笑道：「唔會，夠用就得啦！」
曾拍電影的她直言習慣拍電影日開六場戲的模式，現在拍劇則要日開十幾場戲，故須做足功課，並笑謂：「TVB啲演員真係好捱得！佢哋好勁，休息時可以上網、傾偈，但我好攰，趁休息時就即刻抖。」