前經理人斥無還過錢
孖仔組合Soler早年因合約問題，與前經理人張丹對簿公堂，惟最終被法院判違約，要賠償600萬港元，並判破產。張丹昨日表示不知Julio閃婚，問到會否恭喜對方？張丹冷淡說：「恭喜。（補送禮物？）佢都冇發喜帖同通知我。」
由於Julio太太是台中市長千金，問到有否信心對方會還錢？張丹說：「希望啦，不過以我所知夫婦財產係分開。」張丹又直指對方冇還過錢，他說：「不過一切交由破產官處理，將欠債人嘅收入扣番啲錢還畀我。」當問到會否擔心對方繼續拖數？張丹即寸爆說：「唔知，希望佢學識做個有責任感嘅人，希望佢生活愉快，將來做個有責任嘅丈夫同爸爸。」
