Ana R.怕離婚遲啲嫁
名模Ana R.昨日出席Roger Vivier活動，性感上陣的她提到日前於周汶錡婚禮上接到花球一事，她笑言：「嗰時大家都一齊叫我男友Brad個名，令佢好尷尬。（主動求婚？）我好傳統，等男友求婚。」她坦言對目前生活非常滿意，並害怕改變：「因為我媽咪同細佬都離咗婚，所以我真係好怕結婚後會離婚。啲人話年紀大啲先結婚，離婚機會會細啲，因為年紀大啲，會知道自己想要乜。」
而與她一同擔任活動模特兒的Jocelyn則表示剛與老公Anthony返家鄉夏威夷及加拿大探親，並興奮地表示於加拿大度過了白色聖誕，她說：「我喺夏威夷同媽咪及婆婆做咗八個鐘頭spa，傾咗好多偈，好開心。」
