八両金反口：唔想同人合理
演慣醜角的藝人八両金，近日透過分類廣告招攬生意拍檔泵水搞生意，對以「招商者」身份接觸他的記者大講其生意大計，但後來又矢口否認招商，令事件撲朔迷離。
八両金曾坐擁九間屋、四間舖、幾部靚車，身家近億，可惜一場金融風暴令他一鋪清袋，八両嫂亦離他而去。但年近花甲的他仍不死心，近日密謀東山再起。本報接獲報料，指他刊登分類廣告：「機不可失，徵有意國內發展服裝品牌商先參觀，再投資，有客商平台已註冊葉」，「葉」即原名葉競生的八両金。
有錢男人全力支持
記者以「招商者」身份與八両金接觸，八両金自稱年前在內地註冊「GOLD」，中文命名「告白」的時裝品牌，投資逾二百萬，開設六間分店，但已全數關門大吉。他說：「不過我有個信佛嘅師兄，佢用四十萬人民幣做本，搞韓國時裝，三、四年就開二十間分店，年賺過億。」
八両金更指「師兄」有穩賺不賠的時裝生意之道：「我覺得同相熟大老闆開聲，萬一蝕錢會面左左，先至登報搵兩、三個人，集資二百萬。我提供註冊品牌同值七、八十萬貨，負責埋推廣同接單。」他更大爆秘聞：「登咗報後，有個有錢男人話會全力支持我，但條件係我唔准有老婆，要應承跟佢。」
守身如玉否認多女
之後另一記者約八両金於深圳羅湖城友誼路一面積約千多呎商住單位做訪問，但八両金竟矢口否認招商：「我之前同人喺內地搞手機生意，被人呃咗幾十萬，唔想同人合作，唔想再被人呃，亦唔想呃人。呢個單位係我屋企、貨倉、神壇、電影製作公司同工作室。」說罷，他介紹單位內一男子：「呢位係我時裝同電影拍檔，我設計嘅時裝，一件衫五個名牌Logo，人賣萬五，我賣千五。（唔驚被人告抄襲？）人哋抄我就真！我哋有晒商業登記，有晒專利！」之後他又介紹單位內一位女士：「呢個係我哋員工，報道話我喺內地好多女人，其實我老婆離開我後，我真係守身如玉。」
文：影視組