陳綺雯被out無憂晒腿吸金

亞視早前勒令藝員上培訓班，違者被炒！全台上下尚未驚完，亞視又獻新猷，昨日導師劉錫賢接受電台訪問時大爆藝員「學成」要考試！據知首次考試於今午舉行，藝員要考核主持六合彩節目，其後亦要試讀亞洲先生司儀講稿。

「祝福」舊同事

頭一批被炒的陳綺雯（Aki）「走得快好世界」，直言不想干涉亞視現時的政策，「祝福」舊同事努力考試！Aki正與不同公司斟合作，隨時過檔王維基的香港電視，曾合作的遊戲品牌知她被炒，更邀她拍攝宣傳片，Aki化身學生妹及蠱惑女大騷長腿，半日內賺取四位數字幫補收入，時薪比為亞視打工好得多。

導師劉錫賢透露培訓班以活動形式教學，不覺得有藝員「發夢」，並表示考核可更了解藝員，但不應是「炒人指標」：「都只係增值同提升能力啫！演藝唔同數學，冇答案！我出面教班通常冇考試。」星光幫的亢帥克講明不想參與主持考試，因想主力唱歌：「我都會去考，但希望其他人考得好過我，由適合嘅人去做，主持工作盡量唔好搵我。」前亞姐冠軍姚嘉雯表示不清楚考試目的，她說：「我同亞視仲有四個月約，我有其他打算，但等咗亞視覆我先。（考試通知時間咁急，背得切？）我有其他工作，擇日再考，不過六合彩篇稿好難，好多專業字眼。」

姚嘉雯雖與亞視還有四個月約，但已另有打算。（資料圖片）

劉錫賢

每月一評核

而亞視公關則表示每個月將辦一次評核，問到是否用以決定解僱誰人？公關模棱兩可說：「藝人考試成績OK，公司會安排合適工作，唔夠嘅，就睇吓點幫佢哋。」

文：影視組