黃偉文獲VW欽點米蘭獻處男騷

【劉慰思米蘭直擊】著名填詞人黃偉文（Wyman）得到英國punk后Vivienne Westwood與老公兼創作總監Andreas Kronthaler賞識，被邀遠赴米蘭為品牌行騷，Wyman於當地時間1月12日抵達，Vivienne更親自為Wyman挑選兩款戰衣，再由老公化身造型師為他配搭飾物。曾於香港為品牌行過兩次騷的Wyman，笑言於米蘭獻出第一次，對於被欽點行騷，坦言受寵若驚。
Wyman遇上「超級丹」，十分有緣。
Wyman遇上「超級丹」，十分有緣。

他又自爆早前到歐洲，懷疑吃了不潔的生蠔而弄致腸胃炎：「之前諗住放假，結果病咗喺酒店瞓足兩日。」但他反而覺得因禍得福：「我瘦咗五磅，係命中注定要我瘦五磅先合適行騷。我都冇時間驚，之前病成咁，不過時間愈近就有啲驚，我驚到最後一分鐘搵唔到衫而飛我出局，總之可以喺歐洲行騷，覺得人一世物一世都要試。」此外，問到好友何韻詩與黃耀明為撐同志而成立關注團體，他表示一定會力撐二人。昨日Wyman還在微博上載與奧運羽毛球金牌得主林丹於Dolce & Gabbana時裝騷上相遇的合照，寫道：「時裝周如blind date，你永遠不會猜到下一場坐在你身旁的會是誰。」

  • 放大圖片
Wyman（左）由Andreas幫忙試裝，而Vivienne Westwood（右）則在旁監場。
  • Wyman（左）由Andreas幫忙試裝，而Vivienne Westwood（右）則在旁監場。