余文樂惜股露肉搵阿澤
杜汶澤、余文樂昨日現身旺角為彭浩翔笑片《飛虎精英》開鏡拜神，今次故事圍繞飛虎隊「偷渡」往澳門召妓減壓，幾位男主角奉旨去滾，可謂艷福無邊！
據悉導演找來一班國產美女全裸與阿澤肉搏，而重頭戲將移師澳門夜總會取景。談到資料搜集問題，阿澤即揶揄彭浩翔謂：「可能有人一世都只係做到一部戲嘅資料搜集，但呢方面佢好快。（你去過夜總會？）應酬咪要囉，不過自從有狗仔隊後，我唔敢亂嚟。去到夜總會，我應酬啲小姐就真，又影相又簽名。（拍戲唔驚老婆呷醋？）有錢收佢冇所謂。」至於阿樂惜肉如金，形容自己「除衫都冇嘢好睇」，並笑言鼓勵阿澤「一脫成名」：「我點都唔會『棄股』嘅，如果係要重新再傾o架。」