Mia瞓身倒奶 試摸震波男
擁有32C驕人身材的模媽Mia昨日由三位外籍猛男抬出場，瞓身「倒奶」，卻差點洩露春光。首次手貼猛男胸口，感受震波的她，high爆高呼：「冇試過摸咁嘅心跳！」至於Avis等三位本地大隻仔，卻在爆衫騷肌時，給外籍猛男比下去。
模媽Mia（陳靜儀）昨日以超低胸短裙現身「爆衫猛男亞洲選拔大招募」活動，由遠從美國訪港的猛男組合Chippendales成員Billy Jeffrey、David Abrams及Byran Chan抱住出場，頓時「倒奶」，擠出四吋事業線，更險些春光乍洩！其後Mia替三位猛男量度胸圍，更有幸一試David的「震波」手感，令全程表現極度興奮的她不禁高呼：「冇試過咁嘅心跳！」三位美國猛男又向「香港大隻仔代表」Avis（陳偉成）、Dominic（何浩文）及King（趙勁皓）示範爆衫騷肌，令現場尖叫聲與閃光燈不絕。看過三位猛男示範後，Avis等人即尷尬推讓撕背心，脫後明顯輸幾條街，認真失威！
芳心動 瞓唔着
事後，Mia坦言首次近距離接觸多位猛男：「太興奮啦，人生中第一次畀人抱出嚟、摸人震胸，好似心跳咁，我諗我今晚瞓唔着。（有心動？）有呀，以前對大隻仔冇乜感覺，啱啱摸完震胸後，心都跳埋出嚟！」她表示已請假欣賞對方三月的演出，又嘲笑Avis都要企埋一邊！
腳傷上陣的Avis亦自認輸晒：「真係羨慕死人，我哋日操夜操，佢哋好似唔使操咁，我都專登企埋一邊，費事比較下去！（傷腳冇時間操Fit？）多咗時間，我呢兩日練咗單腳掌上壓。」他又指為免女友周秀娜擔心，不敢告知對方自己傷了十字韌帶，他又撐女友與男仔食飯、抱抱實屬正常。
文：影視組