志偉自薦奪「亞太」：「攞」嚟衰

藝人曾志偉、林峯、Twins等昨午出席《2012十大勁歌金曲頒獎典禮》拜神儀式，志偉對早前涉嫌掌摑黃浩事件仍封口，對於梁烈唯反告黃浩濫用司法程序，他說：「佢同律師討論過先有咁嘅決定，佢係一個好演員，而且肯承擔，但唯唯工作上有損失有少少可惜。（你請佢囉！）平時都大力支持佢。（合作？）一定。」對於今年《亞太區最受歡迎男歌星》頒予台灣男子組合LOLLIPOP F，志偉笑說：「如果LOLLIPOP F都唔攞，咁我攞啦，我叫『攞嚟衰』或者『攞嚟笑』。」同場的林峯對有傳無綫以50萬人民幣一集為他接拍內地劇集一事：「呢啲係商業秘密。（拍《陸小鳳》？）有聽過，但我同時有電影。（50萬一集？）不嬲行情都係咁。（人工高過鄭嘉穎？）我哋都唔知大家咩價。」