徐子淇仔女識食 愛海參鵝掌
已生育三名子女的「千億新抱」徐子淇，依然保持苗條身段，最令人驚訝的是原來她每晚也有吃消夜習慣，但吃的不是山珍海味，而是快餐店的豬扒飯和通心粉！相反，三名子女就十分識食，年紀細細已愛吃海參和鵝掌！
「千億新抱」徐子淇昨日出席「傳‧心‧願」紅封包設計比賽頒獎禮擔任頒獎嘉賓，同樣為比賽當評判的她大讚學生設計非凡，其他嘉賓還有胡應湘太太郭秀萍，而歌手王梓軒更即場獻唱歌曲。
鍾意食飽至瞓
子淇自爆平日愛吃快餐店豬扒飯作消夜，疑前晚食物不乾淨導致腸胃不適，昨日活動前去了看醫生，原來是腸胃炎，打了針，她一度驚身體未痊愈不能到場，最後帶病上陣，精神可嘉，子淇說：「每晚都食豬扒飯做消夜，有時都會食通粉，鍾意飽肚先瞓，囡囡都鍾意食曲奇餅作消夜，可能尋晚食嗰啲唔係好乾淨搞到腸胃有問題。」問到她丈夫李家誠是否同樣愛食豬扒飯？子淇表示丈夫反而愛食輕盈的三文治。
細路唔使喼弗
她透露仔女年紀細細已愛吃山珍海味：「佢哋鍾意食海參同鵝掌，個女試過一次食三條海參，但燕窩唔敢畀佢哋食太多，怕有激素。」對於小朋友的均衡飲食，她有自己的見解，不應怕小朋友肥胖而不准進食太多：「我囡囡跳舞班的同學仔，被舞蹈老師叫唔可以食太多嘢，我覺得小朋友唔應該喼弗，所以我轉咗老師。」子淇又言她亦愛吃零食，她笑言不能做好榜樣：「我會確定仔女食咗正餐先，一包薯片大家share。」
文：名人組