陳嘉桓妙用經痛貼暖身18粒鐘
嚴寒冬天，除了穿羽絨、厚厚大衣、狂貼暖包禦寒，還有甚麼方法保暖呢？一班藝人名人就將自己的一些暖身小方法提供給大家，江美儀認為有另一半的冬天特別溫暖，可以將冰凍的腳放在男友肚子上取暖；陳嘉桓推介，經痛貼可保暖18小時；而性感女神周秀娜就提議將暖貼貼在大髀內側，保暖方法也誘惑過人！
陳嘉桓：用經痛貼係最好嘅暖貼，因為保暖嘅時間長啲，最多可以保暖18個鐘！
周秀娜：着咗leg warmer，之後將暖貼貼喺大髀內側係最有效嘅！因為嗰度有動脈，所以全身都會好暖。
莊思敏：我多數會準備薑茶同暖包，不過其實都係發脾氣最有用，哈哈。所以冬天EQ應該要低啲。
衞詩雅：平時會着防寒內衣，但有時拍嘢唔着得嘅時候，我會將暖貼貼喺腳趾，真係會暖好多！
Angelababy：冬天我會飲薑茶，着多幾條褲，我試過零下十幾度，着咗七條褲保溫。
諸葛紫岐：最簡單係飲熱嘢，一係戴住頂識發熱嘅帽，應該都唔會點凍。
江美儀：有男友冬天就冇咁怕凍。張小嫻都話最幸福的女人，係冬天瞓喺男友嘅肚上，但我會放隻腳喺我男友吳君祥肚上面取暖。
甄子丹：如果覺得凍就唔好扮大隻，只要個底打得好就自然覺得暖！
蔡加讚：其實我唔怕凍，細個嗰陣就會因為凍而瞓唔着，我覺得只要對腳夠暖個人就會暖，所以我會着襪瞓覺！