區文詩搏殺期唔嫁住

歌手區文詩及中國小姐趙哲妤前晚出席201314國際婚禮慈善夜，二人異口同聲表示今年事業運強勁，暫不會結婚，與外籍男友拍拖年多的區文詩說：「蘇民峰師傅話我13、14年係我搏殺期，行大運，所以呢兩年最好工作先，就算36歲結婚都唔遲，即係我仲有六年時間做嘢。不過36歲後先生仔就怕變高齡產婦，所以我唔介意做未婚媽媽。」至於未有拍拖的趙哲妤表示最近工作接踵而來，事業變成她的男友。
區文詩表示還有六年搏殺期。
區文詩表示還有六年搏殺期。

同場有藝人李思欣與老公范振鋒分享夫妻相處之道，她笑言之前被影到二人鬧交，但經過時間磨合，現時正是融洽期，問到會否生B？她說：「今年蛇年，唔生住，因為老人家話唔係咁好。」

趙哲妤笑言與工作拍拖。
  • 趙哲妤笑言與工作拍拖。
李思欣與范振鋒經常夫妻檔登台搵銀。
  • 李思欣與范振鋒經常夫妻檔登台搵銀。