陳嘉桓烏龍信用卡當回鄉卡

陳嘉桓性格大頭蝦，日常生活中經常發生不少蝦碌趣事。由於經常需要到內地拍戲、剪綵、行騷，她說：「之前我張回鄉卡仲未可以電子過關，所以每次都要排隊過關，有次就發生一件瘀事，我喺內地行完騷，半夜過關返香港，烏吓烏吓，因為冇化妝所以戴住太陽眼鏡和帽，過關時我畀張卡個關員，佢拎住張卡望咗我好耐，我先醒起我未除太陽鏡和帽，我即刻除低同佢講不好意思。點知佢仲係望住我，我以為發生咩事，正當緊張之際，佢畀番張卡我，原來我拎咗張信用卡嚟過關，嗰次真係好尷尬，我感覺到塊臉都紅晒！」自此，她每次過關都打醒十二分精神。