苟芸慧單挑高Ling讚夠姦
苟芸慧、森美、謝天華等前晚出席《法網狙擊》飯局，下周將播出白健恩強姦高海寧的戲份令全城期待，而早前和天華拍車震戲被指姣精喊爆的苟姑娘，坦言拍強姦戲要問過父母，更指自己都可嘗試！同場的森美表示抑鬱病已痊愈。
《法》劇未播出街前已因天華和苟姑娘的車震劇照引起話題，如今高海寧（高Ling）被白健恩強姦的戲份同樣未播已因劇照流出而引起熱烈討論。前晚藝人苟芸慧（苟姑娘）、森美、謝天華、陳敏之、高Ling等出席該劇的飯局，同場更為敏之及高Ling預祝生日。過來人苟姑娘笑言：「公司好多同事都好羨慕白健恩，好多人問我嗰場戲高Ling有冇着衫，人人都想做白健恩。（咁你想唔想做高Ling？）可以嘗試，不過我驚我做唔到佢嗰種！」
謝天華最大挑戰
飲到面紅紅的天華說：「人人都話呢套劇我艷福不淺，監製更特登安排個特約中女畀我，係我演藝生涯最大挑戰！」他又不介意重提自己醉駕一事，更表示絕無下次。
同場的森美早前承認患上遺傳性抑鬱症，對於被指有戀足癖，他否認有戀足癖，並說自己三年前抑鬱開始好轉減藥，而非報道所指他三年前患病：「病都係因為工作壓力大啦！（有冇帶仔女去檢查？）有，醫生話冇事。」他還笑言除了影女人腳，男人鬍鬚都會影。
文：影視組