泫雅遊魂玩手指

憑演出《江南Style》MV帶旺人氣的泫雅，其所屬組合4minute與同門組合BEAST、A Pink，昨日為晚上假香港亞洲國際博覽館的韓流騷舉行記招，可惜泫雅全程只答了一條問題，其餘時間似遊魂只顧玩手指、撥頭髮。相反BEAST大搞氣氛，昨日是梁耀燮23歲生辰，問有否與隊友慶祝時，他說：「完全冇！只係同我一齊嚟嘅鄭恩地同孫娜恩，機上有送蛋糕畀我，但係完全唔好味，不過都係心意。」
泫雅（右）於記者會不停玩手指，相反隊友南智賢一臉認真。
泫雅（右）於記者會不停玩手指，相反隊友南智賢一臉認真。

大會安排每隊派出兩位代表切大蛋糕，預祝演唱會成功。BEAST隊長尹斗俊見狀即向梁耀燮說：「睇吓係咪幫你慶祝？」但梁耀燮得知真相後大感失望，大會即時補鑊指該蛋糕有雙重義意。而尹斗俊離場時孭起壽星仔，更唱了一句生日歌。

尹斗俊孭住梁耀燮唱生日歌。
  • 尹斗俊孭住梁耀燮唱生日歌。