霍震霆爆剛晶度蜜月
中國香港體育協會暨奧林匹克委員會會長霍震霆，昨為一慈善高爾夫球賽任主禮嘉賓，問及新年願望是否想抱孫？他說︰「做嘢係有程序，昨晚一家人食飯，啟剛至話要去度蜜月，返嚟已經係新年，希望佢哋有個愉快假期。」
「剛晶」新婚即有婚變傳言，霍老爺只當笑話一則，反而他澄清之前被拍得身伴有位「金髮美人」，指對方是二子霍啟山（Eric）居於外國的前老闆娘：「Eric同佢個仔係好朋友，我請佢嚟飲，昨晚佢打電話嚟，知道畀人寫成金髮美人好開心，佢個仔4月20日結婚會請我飲。」然則啟山與俄模Lea T.是否好事近？他說︰「要問佢至知，佢乜都唔預我，你哋知就話畀我知。」