范冰冰褶班人
不少女性也愛穿着百褶裙，既沒有時代掣肘又可愛迷人。可是，百褶裙很難配襯服飾，由於裙襬褶的層次多，能令人有較豐滿的視覺效果。因此身材瘦弱的女士們會有優勝之處，如胸部不大的女性，穿上百褶剪裁的上衣能有上圍豐滿的效果。
The Best：范冰冰
「條裙有修長嘅效果，冰冰本身唔係好高，着起條裙令視覺上高咗又瘦咗。整個造型好靚，而且戴咗眼鏡嘅佢好得意！Like爆！」
Angelababy
「上半身好plain，顯得非常瘦。佢身材瘦削着得起條裙，個樣又甜又青春，完全冇問題。無論顏色抑或款式都好襯佢。」
雨僑
「個學生look感覺清純，可惜着錯鞋，上身咁白唔應該襯對咁嘅鞋。應該襯對英倫風creeper高踭鞋，再加條belt增添修腰效果。」
冼色麗
「街頭女孩風冇乜驚喜。黑色百褶裙係好穩陣，但出席活動要有個亮點。佢樣貌清秀，有青春本錢，所以將黑色裙換上酒紅色，會更sharp。」
英國小天后Connie Talbot
「Classic款式，幾歲着到幾十歲，唔會out，好彩佢穿平底鞋，唔會太老積。不過髮型有點「嬲休」，紮個公主辮會更醒神可愛。」
楊怡
「其實佢本身夠瘦去carry條裙，所以唔使着黑色絲襪去遮住對長腿，轉對銀色絲襪會令個造型更型格亮麗。」
Less is more
歌手鍾欣桐（阿嬌）與時裝設計師施熙瑜化身成「迷人pink lady」。雖然二人穿着同款同色裙，但用不同的配搭及髮型，陳嘉容評論：「可能角度問題，施小姐走動時令頭髮同條裙有飄逸感，讓人眼前一亮。反而阿嬌梳起咗頭冇動感，太多飾物好似聖誕樹，其實配簡單飾物已經好靚。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身Stylist教人配襯衣着打扮。