唯唯失百萬片酬

無綫藝人梁烈唯早前遭黃浩入稟控告誹謗，雖有大班好友支持，但已令唯唯情緒及其家人受困擾，連帶事業亦受影響。有消息指唯唯因在新片《古惑仔：江湖新秩序》中表現出色，獲導演王晶賞識，有意跟他簽下10部片約，酬勞高達7位數。

王晶昨在電話中直認：「我睇好佢，無論做主角同配角、正經或搞笑都得，好有當年周星馳同張家輝嘅potential（潛質）。」王晶坦言新年後將開拍一部投資過億的大片，並由周潤發與謝霆鋒主演，本有意安排唯唯參演，但現時要看情況再作決定：「我擔心佢情緒問題未解決，暫時擱置10部片約嘅計劃，但我都會逐部逐部片同佢簽。希望呢件事盡快解決，到時會再同佢傾番簽10部嘅計劃。」唯唯則至截稿前未有回覆。

王晶透露由周潤發及謝霆鋒擔演的大片即將開拍。	周潤發（資料圖片）	謝霆鋒（資料圖片）

無綫提供支援

另外，無綫昨早10時就事件召開高層會議，據知被指會力撐唯唯的「超級高層」未有列席。談到會議結果，無綫外事部副總監曾醒明坦言：「旗下藝人有需要，公司會義不容辭幫忙，會提供律師畀唯唯，等佢可以攞到法律意見。」

文：專案組