郭子豪裸出野心升首席華模

由畢打行外牆掛起的A&F性感海報開始，外界一直盛傳品牌會在港發掘男模做greeter（接待員），剛巧在英國留學的郭子豪（Arnold）回港在保時捷做實習生，街上遇上星探，由那一刻開始Arnold的生活從此改變。21歲的Arnold就讀於英國著名學府Imperical College of London修讀機械工程系Year2，中五在香港傳統名校喇沙書院畢業，夠分升讀原校的他卻選擇留學，因想出國見識：「可以多啲人生閱歷，呢個亦都係我想做A&F greeter的原因。」道出他的野心。

勝在夠陽光

被挑選成為第一位華人擔任A&F的2013春夏廣告男模，Arnold最興奮的是由國際知名時尚攝影師布魯斯偉伯（Bruce Weber）親自操刀拍攝廣告，面對四十人工作團隊，Arnold受寵若驚：「能夠同國際知名攝影師合作，呢個經驗不可多得，而且我仲去芝加哥、倫敦、紐約等地方幫手，最難忘係喺倫敦落雪見傳媒，一班greeters半裸上身，着羽絨deep V，真係未試過！」能夠成為首位華人廣告男模，不但要有外貌，亦都要有內涵，樂天的Arnold覺得自己夠陽光被選中：「因為A&F會向中國市場發展，需要一個華人面孔，而我喺外國讀書又係喇沙出嚟，本身又有做gym，可能覺得我特別。」

陳逸璇當日與郭子豪（左）等一班A&F greeter合照。

Arnold自覺成熟了很多。

反傳統父母

Arnold在過去的兩個月要搭飛機周圍飛，期間剛巧是學校考試，面對這個不可多得的機會，他貿然向教授申請補考，但其中一場考試不能缺席，於是他漏夜由阿姆斯特丹飛回倫敦，第二日再飛返阿姆斯特丹，這樣的毅力不是一般人能及！

Arnold的童年照。

Arnold與他的戰利品。

他熱愛男模工作，但知道不可一世做模特兒，故不會放棄讀書：「目標係再遠啲，唔會因為短線而放棄長線，長遠做工程師搵錢更多。同期發展有好多人都行得好遠搵好多錢，我依家選擇放棄某啲機會，可能損失六位數字，但讀書係唔可以用錢衡量，我選擇呢條路係想行得更遠。」

Alice B.被A&F型男抱起非常享受。

陳逸璇大讚Arnold靚仔，是可造之材。

Arnold的爸爸是時裝生意人，年輕時亦是健身教練，在父親薰陶下讀書時玩田徑，17歲父親教他健身，自此愛上這個運動：「爸爸教我做gym後，我就自動波開始做，一星期三次，每次兩小時。如果爸爸冇教我，或者今日唔會行到呢步。」一般家長會贊成子女讀完書才發展事業，偏偏Arnold父母就反傳統，希望兒子把握此難得機會留港發展演藝事業，不要回倫敦讀書，父親義無反顧的支持，Arnold心中感激，感謝家人的支持，但他強調不會因事業而放棄學業。

陳逸璇引以為榮

曾會見A&F型男的藝人陳逸璇（Jolie）在美國時已知道能夠做到A&F男模必定是型男，當知道Arnold是首位華人得此殊榮，她直言覺得他好勁：「好少香港男仔可以咁大隻，平時香港男仔都好瘦，覺得好引以為榮！而且華人代表已經係世界趨勢，好多模特兒都搵亞洲人，可以擴展內地市場。」而曾被Arnold錫面的張暖雅則表示，Arnold擁有亞洲人面孔，外國人身形，集靚仔、型仔於一身，引以為傲。

profile

姓名：郭子豪（Arnold）

年齡：21歲

身高：1米85

上圍：43吋

採訪：李詠林

化妝：Yu@Make up for ever

服裝：Diesel

場地：California