林忠豪遇陳豪搵碇匿
早前自爆曾與廖碧兒拍拖的林忠豪，前晚與廖碧兒的另一舊愛陳豪同場出席活動，不過林忠豪刻意避開傳媒與陳豪，雙豪未有碰面，成功避過尷尬場面。另邊廂，林忠豪日前承認已有碩士新歡Carol，但Carol昨日接受訪問時，卻極力否認與林拍拖，認真耐人尋味！
前晚陳豪、劉心悠、九巴家族後人雷禮權聯同品牌Hackett London的香港及中國市場經銷商百利建國際有限公司董事總經理陳正欣，為品牌主持巨型LED螢幕亮燈儀式，而早前忽然承認曾與廖碧兒拍拖的林忠豪亦有出席。不過，林忠豪未有在傳媒面前現身，只是低調入場，避開跟廖碧兒的另一舊愛陳豪碰面，事後林忠豪表示現場見不到陳豪，就算見面也不尷尬，又否認彼此是情敵：「嗰時廖碧兒冇話過同陳豪一齊，點會係情敵？」
「佢依家喺我隔籬」
另邊廂，林忠豪日前忽然承認撻着靚女碩士Carol，但Carol已即時在facebook上否認二人拍拖，昨日她接受電話訪問時，再次極力否認與對方拍拖：「我有睇新聞，好嬲。（你哋咩關係？）普通朋友，好少單獨出街，上年朋友介紹先識。（有報道話佢送3卡鑽戒向你求婚？）絕對冇咁嘅事！」但就承認對方曾追求她。被否定男友身份的林忠豪在接受電話訪問時，卻繼續聲稱與Carol拍拖：「佢依家喺我隔籬。」並立即在電話另一邊反問疑似是Carol的女伴：「你同記者講過咩？」又指Carol只是怕醜才不肯認拍拖，重申兩人拍了一年拖，連聖誕節也是一起過。記者之後再致電Carol，問她是否正與林在一起？她口快快表示：「係呀！（佢喺你身邊？）唔係，吓？咁搞笑？」繼而再三否認二人是拖友關係，聖誕節亦不在港，兩人的關係可謂撲朔迷離！
孖陳茵媺家中開P
而與陳茵媺熱戀中的陳豪就心情大好，提到聖誕節被拍得與女友一起過，他表示：「係同佢，仲有成班朋友喺屋企開party，（送咩禮物畀佢？）答應唔講，總之好溫暖。（私人物品？）對我嚟講係。」至於有否互相送內衣褲，他聞言即哈哈大笑表示沒有，問陳茵媺知否他size？他繼續大笑兼面紅紅。提到何時結婚？他就說：「時機到就會，等我哋好好發展先。（未婚生仔？）咁唔好，自己好傳統，要循序漸進。」記者叫他不要令陳茵媺變高齡產婦，他即笑說：「Yes Madam！」
文：名人組