鍾浠文與愛人度白色除夕
除夕是一個普天同慶的日子，人人都想與最愛的人一同度過，鍾浠文想與愛人一齊到日本過白色除夕；而周秀娜卻剛好相反，撇甩男友，飛北京做除夕倒數騷，搵銀至上。
周秀娜
「今年除夕同最親密嘅朋友度過，佢姓『工』，名『作』，即係要工作中度過，今年我要做除夕倒數，仲要係喺北京，（無得陪男友？）無呀！慣咗，聖誕已經無一齊過啦！」
鍾浠文
「我想同鍾意嘅人去日本過白色除夕。」
湯唯
「除夕想同爸爸媽媽一齊過，大家圍埋食爸爸媽媽煮嘅餸，（你要拍戲可否實現到？）唔係o架，我一定會抽時間同佢哋一齊過除夕。」
林莉
「除夕我最想一班人放煙花，如果可以喺船上過就更好。」
趙哲妤
「我希望可以留喺香港，趁吓熱鬧，咁梗係同自己愛人過，仲要預備美酒佳餚。」
上山詩鈉
「搞除夕party，朋友會帶埋自己小朋友嚟玩。細個鍾意自己做搞手，依家人大咗鍾意去朋友屋企玩多啲。」
查小欣
「囝囝喺美國返嚟，會一家人過，應該會出街食飯，同埋朋友一齊食飯慶祝。」