歌手梁佑嘉（Abella）昨日出席活動，並為慈善機構義賣手錶，Abella表示上月開始感到心律不太正常，並持續數天：「我諗係壓力問題，因為前排會扯住痛，抖唔到氣，但我放鬆啲又冇事，完晒頒獎禮會去身體檢查。（點解唔檢查咗先？）可能諱疾忌醫，亦唔敢同屋企人講，幾年前做身體檢查時，醫生都話我心律唔太正常，而今年就淨係未檢查個心臟。」
