軒仔獻sing掀高潮
歌手鄭融、張敬軒及連詩雅任周柏豪個唱嘉賓，但連詩雅因病缺席，義氣女鄭融除與柏豪合唱，更仗義為連詩雅獻唱hit爆歌《到此為止》，鄭融笑問柏豪可否摸其「巨胸」，柏豪笑說：「摸囉，我最鍾意畀人摸。」鄭融即用手指篤住柏豪胸說：「咁濕，真係唔想摸。」事後她受訪說：「唔摸係留quota等我開音樂會時，要佢赤裸做舞男回報我。」
軒仔出場掀起高潮，他自爆當年曾開聲要求柏豪為其封套操刀，可惜他突然患上情緒病計劃告吹，他說：「之後從朋友口中得知柏豪為咗呢件事買咗全新攝影器材，十分內疚，藉住今日喺呢度我承諾大家，我會寫歌畀佢。」
