周秀娜詐型 憤「露」了
周秀娜在聖誕佳節已送了禮物給男友陳偉成（Avis），但他卻零表示沒有回送禮物，娜姐還自爆有其他異性送禮，但不知對方是否追求者，已名花有主的娜姐仍有異性送禮物，開心之餘乘機向男友示威兼詐型。
周秀娜昨日與同公司的男子組合Bro 5四子一起為聖誕活動擔任表演嘉賓，娜姐打扮密實，惟坐下時卻不慎走光露底，事後她解釋說：「有打底嘅，今日好實淨，係驚條裙甩啫。」
聖誕冇陪Avis
今個聖誕節娜姐陪伴家人慶祝，並沒有跟男友Avis一起度過，兩人各有各忙，她說：「佢唔係屋企人。（咁佢係咩？）男人。（降咗佢級？）唔係，我好耐冇陪屋企人，呢兩日好忙，送咗新電話畀爹哋媽咪，要教佢哋用。」
她又自爆有其他男士送聖誕禮物，問到是否追求者？娜姐說：「唔知呀！（男友知唔知？）我有送聖誕禮物畀佢，不過收唔到佢送嘅禮物。（唔開心？）唔係唔開心，我有男朋友都有男仔送禮物畀我，好開心，佢（Avis）開唔開心我就唔知。」
何浩文等回禮
Bro5成員何浩文（Dominic）是糖妹王山怡男友，對於糖妹早前以「其他藝人」來稱呼他，Dominic說：「我同佢唔係一體，所以我係其他藝人，我哋冇事發生呀。（係男女朋友關係？）仲係，我送咗聖誕禮物畀佢，但係未收到佢送嘅禮物，心情有少少低落。」他指可能是糖妹公司不想她講太多感情事，他則不會理會公司，如果糖妹需要他幫忙，幫到都會幫。他有份演出的電影即將上映，會邀請糖妹看首映。
文：名人組