陳豪：林峯罷拍堅定流？
藝人陳豪昨日出席「第二屆香港小丑節」頒獎典禮，他透露聖誕節跟家人一起過：「開party食聖誕大餐。（女友陳茵媺在場？）佢都喺度。（送咩禮物畀佢？）係一份甜嘅禮物。」談到唐詩詠指陳豪欲介紹胞兄給她認識，陳豪竟否認：「點敢呀，詩詠姐喎。（你哥哥有女友？）我唔敢公開講佢嘅私生活，我驚畀佢打死，唔好搞我阿哥啦，佢好低調。」
而對於前度女友廖碧兒跟闊少林忠豪離離合合的傳聞，陳豪即劃清界線：「過咗去嘅事唔想再有任何回應，我係向前看，依家好開心。（前度搵到男友會戥佢開心？）我唔方便做回應。（祝福都唔會？）咁我都希望佢有更好嘅將來。」提到早前有傳林峯因失落視帝而罷拍劇，陳豪說：「堅定流o架？阿峯不嬲都多fans，而且佢一直進步緊，大把機會啦，嚟緊佢都有演唱會，應該唔會啦。」
