上山詩鈉睇好童童承繼王菲
上山詩鈉（圖）昨日出席活動時，提到王菲女兒竇靖童將自己原創及主唱的歌曲放上微博而廣受好評，她大讚對方有天分：「佢同我個女好熟，未將首歌放上微博已經send咗畀我個女聽。真係好好聽，係遺傳。（聽過現場表演？）聽過，佢仲識玩好多樂器，多才多藝。（相信佢係王菲接班人？）係呀！覺得佢會好似王力宏咁自己作曲作詞同唱埋。」
此外，上山詩鈉回應好友曾志偉被捕一事時直言：「我成日都咁撐佢，我好尊敬佢。相信所有事係一個誤會。（有傳梁烈唯因對事件發表意見而被告誹謗？）發生呢件事時我唔喺香港，唔清楚細節，所以唔方便講。我當然支持志偉。」