蔡志明自製陀飛輪 親情無價
「玩具大王」蔡志明平安夜在大宅舉行聖誕派對，筵開20圍邀請好友及員工齊慶祝，外孫女又伴舞又獻花，搶盡風頭；蔡志明即時大騷自家製作的陀飛輪腕錶，送家人作為聖誕禮物。
蔡志明每年在平安夜均會邀請好友及員工於其九肚山大宅舉行聖誕派對，前晚大宅筵開20圍，蔡家上下均有到場，除了玩遊戲外，蔡志明與太太李惠莉、女兒蔡加敏與老公馬鴻銘、蔡加怡與老公及兒子蔡加讚分別即場獻唱，蔡加敏大女馬靄翹分外精靈，在眾人唱歌時不時獻花和伴舞，十分搶鏡。
限量名錶夠矜貴
期間，蔡志明拿着多枚腕錶給朋友欣賞及試戴，他說：「啲錶搵瑞士錶廠出，係自家品牌嘅陀飛輪錶，出咗半年，有12款。（點解會出錶？）我自己整出嚟同朋友分享，出面啲陀飛輪差唔多賣過百萬元，依家用幾萬至30幾萬就做到，不過我呢啲唔會賣，做嚟自己玩吓，開心吓，送畀屋企人，好限量，所以矜貴啲！我咁鍾意錶，都有買其他品牌名錶。」
加讚好掛住圓圓
至於結婚4個多月的蔡加怡戴上爹哋送的手錶，又笑言常被催生BB：「身邊朋友及家人都好關心呢個問題，但自己想享受下二人世界先，老公亦唔急，過多一、兩年生。依家工作上都好忙，主力幫爹哋做地產。」蔡加讚則透露女友汪圓圓與家人去滑雪，未能出席，透露錶店由8間已擴展到31間，將會再開6間，今年生意額超過20億，有信心明年會倍增。問到圓圓有否投訴未能陪伴？他說：「好彩冇，但少咗見面，好掛住，只用電話同SMS聯絡，希望下年聖誕一齊去旅行。」蔡加敏被問到會否再生時，老公馬鴻銘即代答說生B太辛苦，體貼又恩愛。
文：名人組