鍾嘉欣被癡情粉絲感動
鍾嘉欣和吳卓羲前晚齊到荃灣出席聖誕活動，性感上陣的鍾嘉欣無懼走光實行透視誘惑，她笑言：「打晒底，我好有走光經驗，可以做打底女王！」她自爆剛在後台與一位癡情fans見面：「佢行動不便，搵咗我三年，仲寄過好多信畀我，都係有記者話我聽先知，頭先見到佢我都好開心好感動，佢好樂觀！」
吳卓羲則稱不信好兄弟林峯因頒獎禮食白果而離巢：「傳聞啫，公司對佢好好。（安慰佢捧蛋？）見到面先安慰，有睇佢套劇，佢同子珊做得好好，係幾可惜嘅！」一直在上海拍劇的他也有留意曾志偉涉案一事，並力挺突捲入風波的梁烈唯：「我唔信志偉會咁做，唯唯講嘅嘢過唔過火就見仁見智，我覺得冇問題！」至於日前傅嘉莉自爆戲假情真戀上吳卓羲，他愕然表示：「多謝晒，我會怕醜同尷尬！」