黎耀祥自詡「抵用視帝」
黎耀祥、胡定欣與田蕊妮昨午出席聖誕活動，與現場觀眾大玩遊戲。祥仔表示由聖誕到農曆新年的外快工作，是蟬聯視帝前接下，所以照收舊價，難怪他笑指自己抵用：「幾年都冇加過。（好似鄭嘉穎咁內地拍劇搵真銀？）呢樣我又唔恨，我咁錫個仔，點捨得離開佢咁耐吖？」這個視帝可謂有名無利。而最近有周刊指黎太Julia懷有身孕，Julia澄清：「梗係唔係啦，以前個仔細就日日追，依家唔會嘞。如果真係有咗，我會喺微博公布。」
至於田蕊妮被追問近日亞視的風風雨雨，她無奈謂：「冇辦法，做得藝人嘅都想多啲演出機會，唔係返公司打卡囉，我會幫舊同事們打氣。講嚟無謂，講多句都嘥氣。」胡定欣雖然首次與男友共度聖誕，但一大班人開派對，實行普天同慶。
