Biker Jacket 曼玉Style

易於配搭的Biker Jacket永不過時，最多是在Cutting和物料方面有少許變化，無論男女穿着，都可以輕易打造型格感覺，襯Casual wear時尚有型，即使襯Girly打扮，甚至猶如晚裝等隆重服裝，都一樣可以產生微妙化學作用，加添幾分帥氣，剛柔並重。名模陳嘉容就大讚張曼玉盡顯獨特個人風格，鄭伊健則Classic有型。

用飾物轉Feel

陳慧琳（Kelly）和吳佩慈同樣鍾情CHANEL的長褸，兩人身形均屬高瘦，陳嘉容認為二人各有各好：「兩個都着得好睇，不過就唔同感覺，Kelly襯件衫同條褲都有啲bling bling，同埋多啲Accessories，成個Look多咗層次感，感覺更華麗。而吳佩慈就比較Casual、隨意。」

姚書軼 「All black look襯得好好，入面襯低胸衫，Sexy得嚟又型格十足，個Clutch係一身打扮嘅亮點，唔會成身黑沉沉。」	鄧紫棋 「望落好矮，一舊黑色咁，似平日落街打扮。加條Colourful嘅頸巾，換對Bling Bling高踭鞋，會Sharp好多同型好多。」	汪詩詩 「Casual得嚟型型哋，如果冇咗件皮褸就會好女人，加咗件皮褸就有種剛柔並重嘅感覺。」
鄭伊健 「Classic嘅款永遠唔會Out，咁襯實唔會出錯，演繹得好好，簡簡單單已經好有型格。」	冼色麗 「Casual到有啲不修邊幅嘅感覺，冇乜星味。將件恤衫攝番入條褲裏面，恤衫領扣少粒鈕，會Sharp啲，有番線條。」	諸葛紫岐 「啲顏色撞得太緊要，着到佢冇晒線條，冇咗Biker Jacket應有嘅型格感覺。唔好拎個手袋，換條貼身長牛仔褲襯Ankle boots，會令雙腳更修長，線條靚好多。」
陳嘉容Profile 陳嘉容，香港著名模特兒，曾為各大國際品牌行時裝騷，時裝知識豐富，近年更為電視時裝節目擔任主持，化身Stylist教人配襯衣着打扮。