Brian Wong感激父母支持圓夢
樂壇新進男歌手Brian Wong雖然年紀輕輕，但為了追求創作夢不惜自資七千多元出碟，不過「皇天不負有心人」，在專輯的製作後期，終於簽了唱片公司，並幫忙發行和印刷唱片，不過Brian並無自覺簽了唱片公司有「升呢」之感，更說：「之前一直都以獨立身份去唱歌，我唔會以有冇唱片公司去界定係咪一個音樂人，只要用心去做音樂，都係值得尊敬！」
雖然創作路走得不易，不過Brian最感恩的莫過於可得到父母無限量的支持，Brian說：「好老實講，做音樂真係搵唔到幾多餐，不過我屋企人好支持我，一嚟唔使要我負擔屋企，二嚟佢哋從來冇畀壓力我！」
Profile：
姓名：Brian Wong(黃子晴)
年齡：21
出道經過：畢業於香港知專設計學院，由2010年起於商場、酒廊擔任駐唱歌手，而他亦曾在歌唱比賽節目《超級巨聲2》、《亞洲星光大道2》擔任樂手。
代表作：今年8月推出個人首張EP《My Lullaby》，而他亦曾為不少機構活動創作主題曲，而最為人熟悉的是為海洋公園熊貓保育活動創作的主題曲《大熊貓》。