Yanny胸險迎生日
女子組合Super Girls成員Yanny（陳穎欣）昨日乘搭港鐵時慘遇「鹹豬手」，幸好醒目的她縮得快，避過「手(月爭)撞胸」一劫。今日生日的她坦言兩度在車廂遭「抽水」，促盡快增設女性車廂，直斥「豬手佬」變態及過分。
星煥力捧的女子組合Super Girls成員Yanny昨日乘搭港鐵時險被非禮，氣得她即時將事件上載到社交網，更放上一張「亂髮」狗仔相，她寫道：「我好嬲呀，大家（特別是你們年紀小小的妹妹）要小心啲死人鹹濕佬呀，尤其是在車廂臨關門的時候。」好姊妹兼隊友Heidi即留言：「嗰啲人一定會有報應。」
籲增設女性車廂
Yanny接受電話訪問講解事發經過：「喺尖沙咀等車過金鐘方向，入到車廂，有個40幾歲男人出車廂，當時冇乜人唔太逼，佢落車時刻意起手(月爭)想撞我胸，好彩我縮一縮冇掂到，只係喺胸前掠過，呢個行為好變態同過分！」問到為何當時不大叫？Yanny說：「嚟唔切反應，加上道門關咗，佢搭扶手電梯仲擰轉面望我，我嬲到睥實佢！（係咪支持增設女性車廂？）應該一早要有啦，日本好早就有。」
Yanny坦言不只一次在車廂遭抽水：「之前試過有個男人用下體頂我，頂完我又係急急腳衝落車。」由於今日（22日）是Yanny23歲生日，問到會否唔開心？她說：「冇唔開心，反而係嬲。（家人知唔知？）唔想媽咪擔心，冇同佢講。」她坦言一向謹慎，平時會翹起雙手護胸：「但今日攞住好多嘢，殺個措手不及。」Yanny昨傍晚又上載一張獸醫耳筒相，原來她帶了龍貓求診：「今天真是一波三折。」
文：音樂組